art ayının 15-dә "Açıq Cәmiyyәt - Azәrbaycan" Bakı mәdәniyyәt vә incәsәnәt mәlumat mәrkәzindә Azәrbaycan Respublikasının xalq artisti Vaqif Mustafazadәnin yaradıcılığına hәsr olunmuş WEB-saytın prezentasiyası keçirilib. Prezentasiya mәrasimi ölkәmizin görkәmli caz ustasının 60 illik yubiley tarixinә hәsr olunmuşdur.

WEB-saytın həyata keçirilməsində "Açıq Cəmiyyət - Azərbaycan" İnstitutu və şəxsən İnstitutun icraçı müdiri cənab Devid Stabbs təşəbbüs göstərərək sponsorluq etmişlər. Texniki köməklik məsələlərində və, o cümlədən, INTERNET sisteminə yerləşdirilmə işində ABŞ Dövlət Departamentinin mədəniyyət və təhsil bürosu - IREX/IATP - köməklik göstərmişdir.

Proektin müəllifi sənətşünaslıq elmləri doktoru Tariyel Məmmədov, redaktorlar - Azad Ozan Kərimli və Xalid Məmmədov, rejissor - Xanlar Aslanov, videomühəndis - Heydər Aslanov, səs mühəndisi Murad Şahbazi WEB-ustası - Selvin Daşdəmirovdur. Həmçinin proyektin həyata keçirilməsində Azərbaycanın musiqi mədəniyyəti Muzeyi, V. Mustafazadə adına humanitar fondu,

V. Mustafazadənin Ev muzeyi, V. Mustafazadə adına incəsənət məktəbi də böyük köməklik göstərmişdirlər. İNTERNET oxucularına saytı professor Fərhad Bədəlbəyli təqdim etmişdir.

Mərasimdə IREX/IATP-nin Qafqaz üzrə regional koordinatoru cənab Vilyam Djensen iştirak etmişdir.

Müasir dövrdə kompyuter texnologiyalarının praktiki olaraq insanın bütün həyat fəaliyyəti ilə bağlılığı şəraitində musiqi irsimizi gələcək nəsillər üçün qorumaq və onlara çatdırmaq, milli musiqi mədəniyyətimizi ümumdünya mədəni informasiya xəzinəsinə daxil etmək məqsədlərinə xidmət edən bu kimi işləmələr ümumdünya oxucusunu respublikamızın musiqili həyatı, onun elmi, təhsili və başqa-başqa musiqili proseslərilə sərbəst yolla tanış etmək imkanı verir. INTERNET sistemi bu böyük yolda ən real bazadır.

İndiki zamanada multimidik saytların və onların daxilində olan videoqrafik və audiovizual informativ vəsaitlərinin yaradılması metodikasının inkişafı və geniş mənada istifadəsi artıq dərəcədə gərəklidir. Elə bu səbəbə görə belə bir proyektin respublikamızda birinci dəfə olaraq həyata keçirilməsi çox mühüm və qeyri-adi hadisədir. Baxmayaraq ki, bu cür işləmə bizim üçün tamamilə yeni nümunədir, onun yüksək səviyyəsi dünya standartlarına uyğundur.

Aprel ayının 19-dan 21-nə kimi Qazağıstanda, Alma-Atı şəhərində INTERNET sisteminin inkişafı və öyrənilməsi proyektləri koordinatorlarının beynəlxalq görüşü keçirilmişdir. Həmin proyektlər ABŞ Dövlət Departamentinin mədəniyyət və təhsil bürosu tərəfindən sponsorluq edilir. Görüşdə bir sıra ölkələrin proyektləri təqdim edilmişdir: Belorusiya, Moldova, Ğkrayna, Qazaxıstan, Qırğızıstan, Özbəkistan, Azərbaycan, Gürcüstan və Ermənistan. IATP proqramının Azərbaycandakı koordinatoru Vitali İzmaylovun sözlərinə əsasən, bizim respublikamızdan təqdim edilən V. Mustafazadənin yaradıcılığına həsr olunmuş WEB-sayt xüsusi olaraq qeyd edilmişdir.

Diqqət yetirilmişdir ki, proyekt yüksək informativ dərəcə daşıyır, ona görə ki, həm elmi, həm populyar, həm biblioqrafikdir; bundan başqa video-, foto- və, ən maraqlısı, səs materialı ilə təmin olunub.

Xüsusi olaraq qeyd edilmişdir ki, belə bir sayt sponsorların yüksək səmərəli əməkdaşlığını təqdim edir və bu cürə əməkdaşlıq Azərbaycan musiqi mədəniyyətinin INTERNET-də yayılmasına və təbliğatına geniş imkanlar açır.

Nəzərə alsaq ki, ABŞ-da caz ən populyar bir musiqi istiqamətidir, V. Mustafazadənin WEB-saytı dərhal böyük tələbat baxımından əks-səda doğurmuşdur. Qeyri-adi orijinal bir fakt kimi cazın və muğamın sintezi və Azərbaycanda bu istiqamətin inkişaf yolu bütün dünyanın caz pərəstişkarlarının böyük marağına səbəb olub.

WEB-saytın əsas məqsədləri ilə ətraflı tanış olmaq üçün proyektin müəllifi Tariyel Məmmədova müraciət etdik.

T. M. - Bildiyiniz kimi, belə proyektlərin əsas məqsədi Azərbaycanın musiqi mədəniyyətinin müasir elektron vasitələrlə INTERNET sistemində yayımıdır.

V. Mustafazadənin WEB-səhifəsi iki dildə - ingilis və Azərbaycan dillərində yaradılmışdır. İngilis versiyası bütün dünya oxucularını təqdim edilən məlumatla tanışlığı üçün bir yoldur, elektron məlumatlarla iki dildə istifadə edilməsi bütün türk və, o cümlədən, Azərbaycan dilli oxucuların canlanması, fəallaşmasına və onların bütün dünyada yerləşmiş musiqili mərkəzləri, fondları, institutları və i. a. təşkilatlarını əməkdaşlığın operativ rejiminə daxil edilməsi üçün daha geniş imkanlar yaradır. Demək lazımdır ki, V. Mustafazadənin WEB-saytı distant təhsil üzrə tədris və idrak prosesinə daxil edilə bilər.

Bundan başqa, WEB-saytın metodik və biblioqrafik vəsait xüsusiyyətli işlənməsi və yeridilməsi gələcəkdə onun Azərbaycan musiqi mədəniyyətinin on-line kataloquna daxil olacağını nəzərdə tutur.

Faktiki olaraq, bu proyekt multimidik saytların sistem üzrə metodikasının qurulmasında birinci mərhələdir və rəqəmli məlumatı qorumaq məqsədi ilə CD-ROM-da informativ yazıların əsası ola bilər.

Belə işləmə əsl mənada hər bir mədəniyyət xadiminin yaradıcılığı haqqında hərtərəfli kompakt bir elmi-didaktik vəsaitdir.

Gələcəkdə biz elektron multimidik bilgi (məlumat)- soraq kitablarının azərbaycan, ingilis və rus dillərində yaradılmasını planlaşdırırıq: məsələn, Azərbaycan bəstəkarları və musiqişünaslarının musiqili soraq kitabını; musiqili nəşrlərin kitabxanası; elmi və not vəsaitlərinin elektron kitabxanası və i. a.

Bu cür işləmələrin və proyektlərin əsas üstünlüyü odur ki, məlumatın operativ işlənməsi aparıla bilər və ən yeni və qabaqcıl informasiyanı lazımlı şəkildə daxil etmək olar.

Bu gün biz yeni proyektlərin üzərində artıq dərəcədə çalışırıq, və bu proyektlər də çox mühüm və bəlkə də, əsas məna daşıyırlar. III minilliyə Azərbaycan musiqisinin ən əhəmiyyətli yadigarlarını çatdırmaq bizim ən xoş niyyətli məqsədimizdir.