|
ÉÅÍÈËÈÊËßÐÈÌÈÇ
Azərbaycan hərbi orkestr
Aydın Öğüt (Türkiye)
INTERNET SƏHIFƏLƏRINDƏ...
Pərviz QULIYEV
YARADIJILIQ...
-
QÖRÜŞLƏR...
-
MUZEYLƏRDƏ...
-
|
|
Əlbəttə, saytla bilavasitə tanış olduqda yaranan təsəvvürünü məqalədə əks etdirmək qeyri-mümkündür. Buna görə də, hörmətli oxucular, sizi imkan tapıb Internetə çıxmağa və saytla bilavasitə tanış olmağa dəvət edirik. Onun elektron ünvanı:
http://qara-qaraev.aznet.org;
http://www.qara-qarayev.in-baku.com
Yeri gəlmişkən, saytın bir xüsusiyyətini də qeyd etmək istərdim. O nəinki kommunikativ, hətta interaktiv funksiyaya malikdir. Yəni hər kəs «forum» adlı bölməyə daxil olub öz fikir və arzuları, bəlkə də Qara Qarayev haqqında dəyərli məlumat ilə bölüşə bilər. Müəllif kollektivi buna görə sizlərə yalnız minnətdar olacaq.
Sayt haqqında danışdıqlarımızı isə Qara Qarayevin şagirdi, görkəmli bəstəkar Arif Məlikovun bəzi mülahizələri ilə tamamlamaq istərdik.
Arif Məlikov: Şübhəsiz ki, müasir dünyada Internetin əhəmiyyəti olduqca böyükdür. Inkişaf edilmiş ölkələr üçün o çoxdan (bizdə televizor, yaxud da 009 telefon məlumat xidməti kimi) adi bir məişət ləvazimatına çevrilmişdir. Xaricdə hər hansı bir kifayət qədər imkanlı adam özünçün sayt açdıra bilər. Eşitdiyimə görə, bizim bəzi estrada «ulduzları»mız da öz saytlarına yiyələniblər. Buna görə də bizim zəmanəmizdə Internetdə saytın açılmasını möhtəşəm «inqilabi» hadisə kimi qavramaq düzgün olmazdı. Cəmiyyətdə başa düşməlidirlər ki, indiki dövrdə saytlar üzrə aparılan iş – ən adi bir şeydir. Amma, saytda verildiyi məlumatdan asılı olaraq, bu «ən adi bir iş» hökümətə, xalqa olduqca böyük fayda gətirə bilər. Əgər bizi daha yaxşı tanısaydılar, Azərbaycana qarşı ABŞ Konqressinin 907-ci düzəlişi olardımı? Əminəm ki, yox. Gördüyünüz kimi, xərci o qədər də böyük olmayan bir şeydən nə qədər böyük xeyir görmək olar.
Təəssüflər olsun ki, bizim millət bu cəhətdən kifayət qədər passivdir. Öz vaxtında «Sovetstki kompozitor» nəşriyyatında bir çox azərbaycan bəstəkarlarının əsərləri nəşr olunurdu. Bəs həmin nəşrləri bütün iri, dünya əhəmiyyətinə malik olan kitabxanalar arasında yaymaq olmazdımı? Incəsənət aləmində azərbaycan musiqisi ilə maraqlananlar çoxdur və bəstəkarlarımızın əsərləri mütləq öz həvəskarlarını tapardı.
«Qara Qarayev» saytı barədə fikrim müsbətdir – ümumiyyətlə o xoşuma gəldi. Lakin, bəzi qeydlərim də var. Zənnimcə, Qarayevi ən yaxşı tərəfdən təmsil etmək üçün bütün imkanlardan istifadə olunmayıb. Burada bəstəkarın ən gözəl əsərlərindən ən gözəl parçaları vermək lazım idi. Hərçənd mən başa düşürəm ki, müəllif kollektivi əldə olan materiallara əsaslanırdı. Qarayev haqqda sayt artıq çoxdan bəri meydana çıxmalı idi. Lakin gec də olsa, bu bizim üçün çox sevindirici bir haldır.
Mən saytın müəllif kollektivinə bu istiqamətdə daha fəal və inadla çalışmağı və bu xeyirli işdə dövlət strukturları tərəfindən kəsərli yardım göstərməyi arzulayıram.
Yuxarıda verilən məqalədə saytlar yaratmaq üzrə fəal işin davam etdirilməsi arzuları ifadə olundu. Sizi inandırırıq ki, bu istiqamgtdg işlər davam etməkdədir. Lakin onu la qeyd etməliyik ki, əgər bir sıra təşkilatların sponsorluq aə partnyorluq yardımı olmasıdı, müəllif kollektivinin entuziazmı yaratdığı saytlar şəklində maddi təcəssümünü tapa bilməzdi. Həmin təşkilatlara minnətdarlığımızı bildirib, onların adlarını çəkməyi özümüzə borc bilirik. Bunlar: ABŞ Dövlət Departamentinin Mədəniyyət və Təhsil bürosu; Nyu-York Kapnegi Korporasiyası; Beynəlxalq Mübadilə və Tədqiqatlar Departamenti (IREX); Açıq Cəmiyyəti Institutu – Azərbaycan – Yardım Fondu; Öyrədici Proqramlara Internet Yolu (IATP); Azərbaycan Məlumat Şəbəkəsi (ADANET), Azərbaycan Bəstəkarlar Ittifaqı, Bakı Musiqi Akademiyası.
Pərviz QULIYEV
* * *
Sənətşünaslıq doktoru, professor, əməkdar incəsənət xadimi Zemfira Səfərovanın musiqi tariximizə aid kitabları qardaş Türkiyədə də böyük maraq doğurub.
Musiqişünas, professor Firat Qızıltuğ «Ayulduz» jurnalında Z. Səfərovanın «Azərbaycanın musiqi elmi» kitabı haqqında «Türk dünyası və musiqimiz» adlı məqalə dərs etdirib. Internetdə
http://www.aygazete.com/goster.php?yazar=4&tur=0&no=181
də yer olan həmin məqalədə deyilir: «Zemfira Səfərovanın Azərbaycanın «Elm» nəşriyyatı tərəfindən 1998-ci ildə çap edilmiş «Azərbaycan musiqi elmi» adlı kitabını böyük bir həyəcanla qarşıladıq. Çünki Türk musiqisi tarixinin indiyəcən bilmədiyimiz səhifələrindən bir bölümünü işıqlandıran daha bir əsər qazanmış olduq».
Kitabın birinci və ikinci fəslindəki Səfiəddin Urməvi, Əbdülqədir Marağı haqqında araşdırmalardan bəhs edən F. Qızıltuğ daha sonra yazır «Z. Səfərova üçüncü fəsildə Mir Möhsün Nəvvabın, dördüncü fəsidə Üzeyir Hacıbəyli ustadın üzərində dayanır. Mir Mühsün Nəvvabın, sadəcə, adını bilirdik, haqqında bilgilərimiz yox idi. Zemfira Səfərovanın əsəri sayəsində bu ustadımız haqqında da məlumat sahibi olduq. Zemfira Səfərovanı belə irihəcmli və böyük zəhmət nəticəsində yaranmış əsərinə görə ürəkdən təbrik edirik».
Z. Səfərovanın bu əsərini, habelə onun hazırladığı «Qədim Azərbaycan musiqi terminləri lüğəti»ni Istambul Texniki Universiteti Türk Musiqisi Dövlət Konservatoriyasının müdiri bəstəkar Yalçın Tura da yüksək dəyərləndirib, bu çalışmaların Şərq musiqi elminə önəmli töhfə olduğunu qeyd edib.
Həmin konservatoriyanın musiqişünaslıq bölümünün müdiri Süleyman Şenel «Azərbaycanın musiqi elmi» kitabını musiqi tariximiz üçün dəyərli bir qaynaq olduğunu yazaraq, vurğulayır ki, «bu əsər təkcə Azərbaycan və türk dünyası üçün deyil, eyni zamanda dünya musiqişünaslığı üçün də bir qazancdır».
REDAKTOR
|
