İyun ayının 18 və 19-da Azərbaycan xalq çalğı alətləri orkestri üçün əsərlərə həsr olunmuş plenum keçirilmişdir. Plenumu giriş sözü ilə Azərbaycan Bəstəkarlar İttifaqı İdarə heyətinin Birinci katibi, respublikanın xalq artisti Vasif Adıgözəlov açdı. O, bu plenumun əhəmiyyətindən, iştirak edən kollektiv və solistlərdən, ifa olunacaq əsərlərdən danışdı.

Plenumda Azərbaycan Televiziyası və radio Verilişləri Şirkətinin S. Rüstəmov adına xalq çalğı alətləri orkestri (bədii rəhbər - respublikanın xalq artisti Nəriman Əzimov, dirijor - Faiq Sadıqov) və Azərbaycan Dövlət xalq çalğı alətlər orkestri (bədii rəhbər - Ağa-verdi Paşayev) iştirak etdi.

Proqrama F. Əmirovun, H. Xanməmmədovun,
Ş. Axundovanın, R. Mustafayevin, V. Adıgözəlovun,
N. Əzimovun, O. Kaziminin, N. Quliyevin, Vasif və Ceyhun Allahverdiyev qardaşlarının əsərləri daxil edilmişdi.

İki günlük konsertlərdən sonra Azərbaycan Bəstəkarlar İttifaqında Plenumun müzakirəsi keçdi.